Beste almal

Sondag om 18h is my optrede by Jacky se gastehuis, La Fugue. Pragtige tuin, reg op die rivier..

'n Jaar gelede was ek ook op die dorp. Daar was 'n konsert, ook in 'n tuin, op 'n plaas net buite Upington. 'n Goeie getal mense het op kort kennisgweing opgedaag. Na die konsert was daar groot opgewondenheid en planne vir my volgende besoek, wat nou is. Maar soos wat dit dikwels gaan, lyk dinge nie noodwendig dieselfde na die verloop van 'n volle jaar nie.

Wat egter vir my belangerik is, is om 'n betroubare patroon te vestig. Want die sielsvoeding wat gehore by my optredes kry, is presies dit: voeding. Ek wil julle nie onnodig laat verhonger nie! En deur gereelde besoeke, leer ons mekaar beter ken, word ek meer en meer geinspireer deur julle omgewing, en kan ek beter dinge skep vir wat plaaslik relevant is.

Dit is my kant van die saak. My hoop is dat julle dit ook sinvol sal vind en hierdie jaarlikse besoeke sal ondersteun. Dit kan jy doen deur by te woon, natuurlik, maar ook om ander te motiveer om ook te kom.

Vir almal, jonk en oud, wat dieper inspirasie soek, opgrefrisde lewenslus en emosionele verwarming nodig het, kom wees deel op Sondagaand!

Om te bespreek, antwoord gerus op hierdie epos, of bel my op 083 558 7380. Al die inligting is in die pdf - sien hieronder.

Tot Sondag!

Beste groete
Francois (HA!Man)